Qarshi tumanidagi hokimiyat zaxirasida turgan boʻsh yerni sotmoqchi boʻlgan firibgar ushlandi

Qarshi tumanidagi hokimiyat zaxirasida turgan boʻsh yerni sotmoqchi boʻlgan firibgar ushlandi
Bosh prokuratura huzuridagi Departamentning Qarshi tuman boʻlimi tomonidan oʻtkazilgan tezkor tadbirda, fuqaro M.B. boshqa bir fuqaro D.ning ishonchiga kirib, unga hokimiyat zaxirasida turgan 12 sotix boʻsh yer maydonini tanishlari orqali uy-joy qurish uchun olib berishni vaʼda qilib, evaziga 70 mln soʻmni firibgarlik yoʻli bilan olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.