Qisqa muddatda haydovchilik guvohnomasini olib berishni vaʼda qilgan shaxslar ushlandi

Bosh prokuratura huzuridagi Departament hamda DXXning Guliston tumani boʻlimlari tomonidan oʻtkazilgan tezkor tadbirda, fuqaro I.B. boshqa bir fuqaro M.ga oʻquv darslari va imtihonga qatnashmasdan “S.” ismli tanishi orqali “V, S” toifadagi haydovchilik guvohnomasini 15 kun muddatda olib berish evaziga 350 AQSH dollarini olgan vaqtida ushlanib, uning koʻrsatuviga asosan davom etgan tadbirda, uning sherigi M.Sh. 250 AQSH dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.