Gulnora Karimovaning pullari Oʻzbekistonga qaytarilmoqda

Gulnora Karimovaning Fransiyadagi yana 10 mln dollar aktivi Oʻzbekistonga qaytarildi. Yana taxminan 131 million dollar qiymatidagi aktivlar Oʻzbekistonga qaytarilishga tayyor.
Gulnora Karimovaning Shveysariyada muzlatib qoʻyilgan mablagʻlarini qaytarish boʻyicha yakuniy jarayonlar boshlandi. Adliya vazirligining ma’lum qilishicha, Shveysariya hukumati bilan muzokaralardan soʻng BMT koʻp tomonlama trast fondi tashkil etiladi. 
Fond Gulnora Karimovaga nisbatan ochilgan jinoyat ishi doirasida konfiskasiya qilingan aktivlarni qaytarish uchun ishlatiladi. Fondni Oʻzbekiston, Shveysariya va BMT vakillari boshqaradi.