Birinchi Toshkent xalqaro investitsiya forumi

Birinchi Toshkent xalqaro investitsiya forumi oʻz ishini boshladi. Forumning yalpi sessiyasida Prezident Shavkat Mirziyoev ishtirok etdi.
Davlatimiz rahbari oʻz nutqida keyingi yillarda mamlakatimizda amalga oshirilgan islohot va yangilanishlar toʻgʻrisida soʻzlab berdi hamda galdagi ustuvor yoʻnalishlarni belgilab berdi.
Sessiya davomida xalqaro moliyaviy institut va tashkilotlar rahbarlari soʻzga chiqib, Oʻzbekistonning rivojlanish istiqbollari yuzasidan oʻz fikr-mulohazalarini bildirdilar.