Fransiyaning yetakchi nashriyotida nashr etilgan fransuz tili darsliklari Oʻzbekiston maktablariga joriy qilinadi

Xalq taʼlimi vazirligi Fransiyaning eng yetakchi Hachette Livre nashriyoti bilan fransuz tilidan darsliklarni Oʻzbekiston maktablarida joriy qilish masalasi muhokama etildi.
 
Xalq taʼlimi vazirining birinchi oʻrinbosari Usmon Sharifxodjayevning Fransiyaga tashrifi chogʻida amalga oshirilgan muhokamalar jarayonida 2023-2024 oʻquv yilidan eng yaxshi darsliklarni Oʻzbekistonga moslashtirilishi, bundan tashqari ushbu darsliklar boʻyicha barcha fransuz tili oʻqituvchilarining malakasini oshirish, Fransiyaning yetakchi tashkilotlari metodikalari asosida yil davomida oʻqituvchilarni ushbu yangi darsliklar asosida oʻqitib berish yuzasidan muzokaralar olib borildi.
 
Shu oʻrinda eslatib oʻtamiz, yangi 2022-2023 oʻquv yilida Germaniyaning “Klett” nashriyoti bilan nemis tili darsliklari, “Kembridj press” nashriyoti bilan esa ingliz tilidagi darsliklar joriy qilinmoqda.