Oʻzbekiston fuqarolariga Rossiya oliygohlarida tahsil olish uchun ajratiladigan kvotalar soni oshirilishi maʼlum qilindi

Bu haqda Oliy va oʻrta maxsus taʼlim vazirligi axborot xizmati xabar bermoqda.
 
 Oliy va oʻrta maxsus taʼlim vaziri oʻrinbosari Rahimjon Hakimov “Rossotrudnichestvo” Mustaqil davlatlar hamdoʻstligi, xorijda yashovchi vatandoshlar va xalqaro gumanitar hamkorlik boʻyicha Federal agentligi rahbari oʻrinbosari Pavel Shevsov boshchiligidagi delegatsiya aʼzolari bilan uchrashdi.
Pavel Shevsov oʻzaro aloqalarni rivojlantirish boʻyicha istiqboldagi rejalarga toʻxtalib, Rossiya tomoni 2023-2024 oʻquv yilidan boshlab Oʻzbekiston Respublikasi fuqarolarining Rossiya oliy taʼlim muassasalarida tahsil olishi uchun ajratiladigan kvotalar soni oshirilishini maʼlum qildi.