Devor bosib qolishi oqibatida 3 kishi halok boʻldi

Qoraqalpogʻiston Respublikasi prokuraturasi matbuot xizmatining 1-mart kuni bildirishicha, eski uyini buzayotgan uch kishi devor bosib qolishi oqibatida halok boʻldi.
Rasmiy maʼlumotda aytilishicha, 28-fevral kuni soat 12:30 da Xoʻjayli tumanidagi “Madaniyat” mahallasida yashovchi A.A.,ning eski uyini buzayotgan B.Q., S.L., va J.T., devor qulab tushgani ortidan voqa joyida halok boʻlgan.
Xoʻjayli tuman Ichki ishlar boshqarmasi Tergov boʻlimi bu voqea yuzasidan Oʻzbekiston Jinoyat kodeksining 257-moddasi 2-qismi “a” bandi (mehnatni muhofaza qilish qoidalarini buzish odam oʻlishiga sabab boʻlishi) asosida jinoyat ishi ochgan.
Tergov ishlari Qoraqalpogʻiston Respublikasi prokuraturasi tomonidan nazoratga olingan, deb yozadi “Ozodlik kanali^tm”.