Qidiruvda bo‘lgan fuqaro qo‘lga olindi

 Navoiy viloyati IIB Axborot xizmati  xabar berishicha, 1956 yilda Navbahor tumanida tug‘ilgan, muqaddam sudlangan, Navoiy shahar, “I.Karimov” ko‘chasida yashovchi  fuqaro M.A jinoyat ishlari bo‘yicha Navoiy shahar sudi tomonidan 2021 yilning  20 yanvar kuni O‘zbekiston Respublikasi Jinoyat kodeksining 167-moddasi 2-qismi bilan ayblanib,  2021 yilning 5 fevralidan buyon qidiruvda bo‘lgan. Biroq u javobgarlikdan qochib, Navoiy viloyati hududida yashirinib yurgan. Kelib tushgan maʼlumotga asosan, olib borilgan qidiruv tadbirlari davomida, fuqaro M.A joriy yilning 8 fevral kuni O‘zbekiston Respublikasi IIV O‘XB Navoiy viloyati bo‘limi hamda Navoiy shahar IIO FMB JQB xodimlari  bilan hamkorlikda Navoiy shahar hududida ushlanib, viloyat IIBga olib kelingan.  
 Hozirda mazkur holat yuzasidan dastlabki tergov-surishtiruv harakatlari olib borilmoqda.