Prezidentga sheʼr oʻqigan talaba Yozuvchilar uyushmasiga qabul qilindi

Oʻzbekiston yoshlari forumida jizzaxlik talaba Sayfiddin Okanov Shavkat Mirziyoyevga oʻzi yozgan sheʼrini oʻqib bergandi. 
 Prezident “Bunday satrlarni yozish uchun Vatanni sevish kerak”, deya Oʻzbekiston Yozuvchilar uyushmasi raisi Sirojiddin Sayyidga Jizzaxga borib maʼlumot olib kelishini, bunday qalami bor yoshlar davlatga juda kerakligini aytgandi.
 5-yanvar kuni Jizzax davlat pedagogika universiteti Madaniyat saroyida oʻtkazilgan tadbirda Sayfiddin Okanov Yozuvchilar uyushmasi aʼzoligiga qabul qilindi.