SOLIQ IMTIYOZLARI FAROVONLIK UCHUN XIZMAT QILADI

  Ushbu hujjat bilan O‘zbekiston Respublikasining “2020 yil uchun O‘zbekiston Respublikasining Davlat byudjeti to‘g‘risida”gi Qonuniga va O‘zbekiston Respublikasining Soliq Kodeksiga o‘zgartish va qo‘shimchalar kiritildi. 

  Jumladan, Qonunga:- spirt, alkogol` mahsulotlari, shu jumladan vino va pivo uchun aktsiz solig‘i, shuningdek, benzin, dizel yoqilg‘isi va gazni yakuniy iste’molchilarga realizatsiya qilishdagi aktsiz solig‘ining amaldagi stavkalari saqlab qolish;

  - qishloq xo‘jaligi yerlarini sug‘orish va baliqni ko‘paytirish (yetishtirish) uchun foydalaniladigan suv hajmlari bo‘yicha suv resurslaridan foydalanganlik uchun soliq stavkalari 2020 yil uchun belgilangan stavkalardan 50 foizga pasaytirish;

  - 2020 yil 1 apreldan 2020 yil 31 dekabrga qadar bo‘lgan davrda umumiy ovqatlanish korxonalari alkogol` mahsulotini chakana savdo qilish huquqi uchun yig‘im to‘lash dan ozod qilish tarzdagi belgilangan imtiyozlar kiritildi.

  Soliq kodeksiga esa qo‘shimcha uchta moddadan iborat bo‘lgan yangi “Alohida sharoitlarda soliq majburiyatlarini bajarish” nomli 72-bob kiritildi. Bunda, ushbu moddalar bilan:

  - Alohida sharoitlarda qo‘shimcha vakolatlar berish;

  - Soliqlarni, soliqlar bo‘yicha bo‘nak to‘lovlarini to‘lash bo‘yicha foizsiz to‘lashni kechiktirishning yoki bo‘lib-bo‘lib to‘lashni qo‘llashning va alohida sharoitlarda soliq  majburiyatlarini bajarishning vaqtinchalik tartibi;

  - Vaqtinchalik soliq imtiyozlari nomli qoidalar kiritildi.

  Mazkur Qonun bilan Soliq kodeksiga kiritilgan qoidalar 2020 yil 1 martdan e’tiboran yuzaga keladigan munosabatlarga nisbatan ham tatbiq etiladi.