“Shoʻrtanneft va gaz qazib chiqarish” zavodida yuz bergan yongʻin oqibatida bir kishi halok bo’ldi

FVV «Shoʻrtanneft va gaz qazib chiqarish» zavodida yuzaga kelgan vaziyat toʻgʻrisida rasmiy maʼlumot berdi.
Qayd etilishicha, bugun, 1-iyul kuni soat 13:05 da Qashqadaryo viloyati Gʻuzor tumani “Qorakoʻl” MFY joylashgan «Shoʻrtanneft va gaz qazib chiqarish» boshqarmasiga qarashli propan-butan aralashmasini olish sexida yongʻin sodir boʻlgan.
Holat yuzasidan viloyat Favqulodda vaziyatlar boshqarmasi hamda «Shoʻrtanneftgaz» MCHJ, «Shoʻrtangazkimyo» majmuasining 10 ta yongʻin qutqaruv ekipajlari zudlik bilan voqea joyiga yetib borgan. Qutqaruvchilar tomonidan olib borilgan tezkor harakatlar natijasida yongʻin toʻliq bartaraf etilgan. Ammo, ushbu hodisa oqibatida korxonada faoliyat yuritgan 1 nafar fuqaro vafot etgan. Shuningdek, sexning 2 nafar ishchi-xodimi yengil tan jarohati olib, ularga ambulator tibbiy yordami koʻrsatilgan hamda uyiga javob berildi.
Yongʻinning sababi va moddiy zarari aniqlanmoqda