Markalanmagan tamaki mahsuloti o’z vaqtida fosh etildi

Tamaki mahsulotlarining noqonuniy aylanmasiga qarshi bojxona organlari tomonidan tizimli ravishda kurash olib borilmoqda.
Jumladan, bojxonachilar tomonidan mamlakatimizda maxsus akzis markalari bilan markalanmagan tamaki mahsulotlarining noqonuniy aylanishiga qarshi tizimli ravishda kurash olib borilmoqda.
Xususan, Samarqand viloyati bojxona boshqarmasi kontrabandaga qarshi kurashish va bojxona auditi bo’limi tomonidan Samarqand viloyati hududida tamaki maxsulotlarini noqonuniy oldi-sotdisi bilan shug’ullanuvchi fuqarolarni aniqlash maqsadida oldindan olingan tezkor ma’lumotga asosan tadbir o’tkazildi.
Tezkor tadbir davomida Samarqand shahri Cho’lpon ko’chasida fuqaro N.N. tadbir ishtirokchilariga ikki dona “Milano” va “Mond” nomli jami 1000 quti tamaki mahsulotini sotmoqchi bo’lganida to’xtatib qolindi.
Fuqaro N.N.ga tegishli bo’lgan tamaki mahsulotlari O’zbekiston Respublikasi akzis markalari bilan markalanmaganligi, jami qiymati esa 10 500 000 so’mni tashkil etishi ma’lum bo’ldi.
Hozirda mazkur holat yuzasidan bojxona organlari tomonidan surishtiruv harakatlari olib borilmoqda.