Joʻnatmada joylashgan narkotik

Toshkent shahar bojxona boshqarmasi, kontrabandaga qarshi kurashish va bojxona auditi xodimlari bilan Davlat xavfsizlik xizmati  hamkorlikda 2020-yil sentyabr oyida oʻtkazilgan tezkor talbirlardan soʻng bir shaxsning qingʻir ishlariga chek qoʻyildi. Fuqaro Botirov telegram messenjirida Xizr ismli notanish shaxs bilan tanishib qoladi. Ushbu shaxsning topshirigʻiga binoan Botirov mumay daromad evaziga narkotik moddalarni qabul qilib olishi, mayda turkumlarga ajratib, tarqatishi lozim edi. Narkotik moddalar unga pochta joʻnatmasi orqali yetkazib berilishi kerak edi. Bojxona organlari xodimlarini chalgʻitish uchun nayranglar qoʻllaniladi. Yaʼni, 96.28 gr ogʻirlikdagi narkotik moddalar joʻnatmadagi “Pioner” rusumli avtomagnitafonning ichki qismiga yashriladi. 202-yil 16-sentyabr kuni mazkur joʻnatmani qabul qilib oladigan vaqti tezkor xodimlar tomonidan qoʻlga olinadi. Bundan tashqari Xizr ismli shaxsning Yunusobod va M. Ulugʻbek tumanlaridagi fuqaro Botirovga joʻnatgan  koordinatorlari belgilangan tartibda koʻzdan kechirilganda, ushba joylarga ham 45 dona oʻramlarda 30 grammdan narkotik moddalar yashirib qoʻyilgani fosh boʻldi. 2020-yilning 24-sentyabrida Botirov nomiga xorijdan joʻnatilgan joʻnatmalarda ham narkotik moddalar topiladi. Bu gal ham bojxona xodimlarini chalgʻitish uchun 5.6 gr ogʻirlikdagi narkotik modda “mikrolab” ovoz kuchaytirgich ichiga yashiringan edi.
Mazkur holatda huquqbuzarlik ashyosi sifatida olib qoʻyilgan 132 grammdan ziyod narkotik moddalar ekspertiza xulosasiga asosan “alfa-PVP” turkumidagi sintetik narkotik moddalar ekanligi aniqlandi. Amaldagi tartibga koʻra mazkur narkotik moddalarning 0.2 grammining oʻzi jinoiy javobgarlikka sabab boʻla oladi, deb xabar beradi zamon.uz.
Ushbu holat boʻyicha Oʻzbekiston Respublikasi jinoyat kodeksining tegishli moddalariga muvofiq, qoʻzgʻatilgan jinoiy ish yuzasidan sud oʻz ishini yakunladi.
Sud qaroriga koʻra Botirov yetti yarim yilga qamoq jazosini oʻtashga hukm qilindi.