Qarshi shahrida “Lasseti” yoqib yuborildi

Qarshi shahri “Mustaqillik” MFYdagi koʻp qavatli uylarda yashovchi fuqaro D.S. ham «Lasetti» avtomashinasini oʻzi yashaydigan koʻp qavatli uy oldiga qoʻyib, ichkariga kirib ketgach, yarim tunda mashinada yongʻin sodir boʻldi. Holatni shu atrofda suhbat qilib oʻtirgan fuqarolar koʻrib qolgan va avtomashina egasi bilan yongʻin oʻchirildi.
Holat yuzasidan tezkor surishtiruv ishlarini oʻtkazgan Qarshi shahar IIOFMB, viloyat IIB PPX va JTSB PPX batalyoni va Milliy gvardiya xodimlari gumonlanuvchini ushlashdi. 
Uning shaxsiga aniqlik kiritilganida, “Otchopar” MFYda yashovchi M.I. ekani maʼlum boʻldi. Ayni vaqtda jinoyat ishi qoʻzgʻatilib, dastlabki tergov harakatlari olib borilyapti.