Mudhish jinoyat

Bemaqsad koʻchada yurib, tekkanga tegib, tegmaganga tosh otib yurgan, ichkilikka ruju qoʻyib hayoti izdan chiqqan kimsalar ishtirokida koʻplab koʻngilsiz voqea hodisalar roʻy berayotgani hech kimga sir emas. Bu safargi jinoyatga ham spirtli ichimlik sabab boʻldi. Navbahor tumani “Qalqon ota “ MFYda yashovchi 1981-yilda tugʻilgan fuqaro M.A 2021-yilning 16-mart kuni tanishi Navbahor tumani “Toshrabod” mahallasi Dovut-ota koʻchasida yashovchi 1969-yilda tugʻilgan fuqaro Sh.Gʻning yashash xonadoniga borib, xonadon egasi bilan birgalikda spirtli ichimlik isteʼmol qilishadi. Kelib chiqqan janjal natijasida fuqaro A.M Sh.Gʻning yuz qismiga qoʻli bilan bir marotaba urgan vaqtda hushida boʻlmagan Sh.Gʻ shu yerda boʻlgan oshxona pichogʻi bilan uning chap koʻkrak qismiga bir marotaba urib jarohat yetkazadi. Natijada fuqaro A.M olgan tan jarohati natijasida voqea joyida vafot etadi.
   Mazkur holat yuzasidan Navbahor tuman prokurori tomonidan fuqaro Sh.Gʻga nisbatan Oʻzbekiston Respublikasi Jinoyat kodeksining 97-moddasi 1-qismi bilan jinoyat ishi qoʻzgʻatilib, dastlabki tergov harakatlari olib borilmoqda, deb xabar beradi  Navoiy viloyati IIB Axborot xizmati.