Noqonuniy urinish fosh boʻldi

Oʻzbekiston Davlat bojxona qoʻmitasining xabar berishicha, kontrabandaga qarshi kurashish va bojxona auditi boʻlimi xodimlari tomonidan oʻtkazilgan navbatdagi tezkor tadbirda “Namangan” tashqi iqtisodiy faoliyat bojxona postida fuqaro R.A nomiga chetdan keltirilgan yuk avtomashinasini bojxonada rasmiylashtirish jarayonida qingʻirlikka qoʻl urilgani aniqlandi.
Gap shundaki, bojxona organlariga taqdim etilgan hujjatlarda ushbu texnika 2017-yilda ishlab chiqarilgani qayd etilgan boʻlsa-da, ammo ekspertiza natijalariga koʻra bu tasdigʻini topmadi. Oʻrganishlar davomida maʼlum boʻlishicha, yuk avtomashinasi 2017-yilda emas aslida 2016-yilda ishlab chiqarilgan ekan.
Maʼlumotlarni soxtalashtirish orqali yuk avtomashina egasi bojxona toʻlovlaridan qariyb 440 million soʻm imtiyozlarni qoʻlga kiritmoqchi boʻlganligi aniqlandi.
Hozirda ushbu holat yuzasidan surishtiruv harakatlari davom ettirilmoqda.