Avtomobil gaz ballonida yorilish sodir boʻldi

FVV xabariga koʻra, bugun, 28-iyul kuni soat 06:15da Muzrabot tumani “Yurtim jamoli” MFYda joylashgan “Qora marvarid” MCHJga qarashli avtomobillarga gaz quyish shoxobchasida “UAZ” rusumli avtomobilga oʻrnatilgan gaz ballonining yorilishi yuzaga kelgan.
Hodisa oqibatida jarohatlangan hamda vafot etganlar yoʻq. Avtomobil va shoxobchaning tom qismi zararlangan.
Hozirda masʼullar tomonidan hodisa sababi va keltirilgan zarar miqdori aniqlanmoqda.