Zomin tumanidagi yong’in bartaraf etildi

Favqulodda vaziyatlar vazirligi axborot xizmati xabar berishicha, yongʻinni oʻchirish uchun FVV, Ichki ishlar vazirligi, Milliy gvardiya, Mudofaa vazirligi, Chegara qoʻshinlari, Davlat oʻrmon xoʻjaligi qoʻmitasi, 14 ta yongʻin oʻchirish ekipaji va 1 ta yongʻin qutqaruv otryadi, 4 ta vertolyot jalb etildi.
Yongʻin soat 18:20 batamom oʻchirildi. Barcha jarayon Favqulodda vaziyatlar vazirligi mutaxassislari tomonidan muvofiqlashtirilib borildi. Tegishli idoralarning kuch vositalarining oʻz vaqtidagi harakatlari natijasida yongʻin yaqin atrofdagi aholi punktlariga oʻtmadi.
Shuningdek, yongʻin oqibatida jabrlanganlar va halok boʻlganlar yoʻq.