Tezlikni oshirgan “Tico” haydovchisi 4 yoshli qizaloqning o’limiga sabab bo’ldi

Joriy yilning 4-avgust kuni Surxondaryo viloyati Sariosiyo tumanida “Bogʻiston” mahallasi hududidan oʻtuvchi yoʻlda yuqori tezlikda harakatlangan “Tico” 4 yoshli bolani urib yubordi. Bu haqda viloyat YHXB xabar berdi.
Qayd qilinishicha, haydovchi 1999-yil tugʻilgan va u boshqa shaxsga tegishli boʻlgan “Tico” mashinasini ishonchnomasiz va katta tezlikda boshqarib kelib, eʼtiborsizligi sababli yoʻldan oʻtayotgan 4 yoshli qizaloq urib yuborgan.
Qizaloq olgan ogʻir tan jarohati sabab tuman tibbiyot birlashmasining jonlantirish boʻlimida vafot etgan.