Toshkentda “Lasetti” haydovchisi katta tezlikda harakatlanib kelib beton simyog’ochga urildi

Bu  haqda YHXBB xabar berdi. Xabarga koʻra, joriy yilning 30-iyun kuni Toshkent shahar, Yunusobod tumani, Toshkent halqa yoʻli, Turkiston kafesi qarshisida haydovchi «Lasetti» rusumli avtomobilni katta tezlikda boshqarayotib, tartibga solinmagan piyodalar oʻtish yoʻlagidan oʻtayotgan piyodalarni urib yubormaslik uchun rulni chap tomonga burgan. Keskin burilish oqibatida avtomobil avval piyodalar belgisiga va beton simyogʻochga borib urilgan. Beton simyogʻochning parchalari yoʻlning narigi tomonidan harakatlanib kelayotgan «Spark» rusumli avtomobilga tekkan.
Mazkur YTH yuzasidan Toshkent shahar IIBB YHXB tomonidan surishtiruv harakatlari olib borilmoqda.