Erdo‘g‘on "Tolibon" bo‘yicha bayonot bilan chiqdi

“Turkiya hukumati Afg‘onistonda hokimiyat tepasiga kelgan “Tolibon” harakatining mo‘’tadil bayonotlarini olqishlaydi”,— dedi Turkiya prezidenti Rajab Toyyib Erdo‘g‘on 18-avgustdagi bayonotida.
“Kim hokimiyat tepasida bo‘lishidan qat’iy nazar, yaxshi yoki yomon paytlarda biz Afg‘onistondagi birodarlarga yordam berishga sodiq qolamiz. Biz ilgari “Tolibon” rahbariyatini qabul qilganimizni aytganmiz va hozir ham bu pozitsiyaga amal qilamiz. Biz mo‘’tadil odamlarni olqishlaymiz”, — dedi Erdo‘g‘on Turkiyaning qator telekanallariga bergan intervyusida.
Eslatib o‘tamiz, 2021-yil 15-avgust kuni “Tolibon” harakati Afg‘oniston poytaxti Kobulni qo‘lga kiritdi. Natijida Islom respublikasi qulagani e’lon qilindi. Mamlakat prezidenti Ashraf G‘ani xorijga qochib ketdi.