Rossiyada 4 va 7 yoshli oʻzbekistonlik bolalar muzlagan koʻlga choʻkib ketdi

Rossiyaning Ryazan viloyatida ikki nafar bolalar muzlagan koʻlga choʻkib ketdi. Bu haqda Rossiya OAVsida xabarlar tarqaldi.
Maʼlum boʻlishicha, ularning ikkisi bir oiladan va asli oʻzbekistonlik boʻlgan. Ular “Dedyuxino” qishlogʻidagi usti muzlagan sunʼiy suv havzasining muziga chiqqan vaqtda muz yorilib, bolalar choʻkib ketgan.
Bolalarning ota-onasi ularni Oʻzbekistonda dafn etishini maʼlum qilgan. Holat boʻyicha surishtiruv boshlangan.