“Qotil enaga” “deport” qilinadi

Davolanish yakunlangandan soʻng oʻzbekistonlik Gulchehra Boboqulova Rossiyadan deportatsiya qilinadi. 2017-yil yanvar oyida Gulchehra Boboqulovaga kasalxonalardan biriga majburiy davolanish uchun joylashtirilgan.
Gulchehra Boboqulova 2016-yil 29-fevral kuni Moskva shimoli-gʻarbida vahshiy qotillik sodir etgandi. U qizchaning ota-onasi toʻngʻich farzandini olib uydan chiqib ketishlarini kutgan, soʻngra qizaloqni oʻldirib, kvartiraga oʻt qoʻyib, koʻchaga chiqib ketgan.
Metro stansiyasi oldida qoʻlga olingunga qadar, Boboqulova 20 daqiqalarga yaqin qoʻlida qizchaning kesilgan boshini ushlagancha koʻchada yurgan, oʻziga oʻzi gapirib, politsiyachilar va yoʻlovchilarga poʻpisa qilgan.
Psixolog-psixiatrik ekspertizasida maʼlum boʻlishicha, 39 yoshli Boboqulova surunkali ruhiy kasallikka chalingan.
Samarqand viloyat Asab-ruhiy kasallikliklar dispanseri, Moskvada vahshiy qotillik amalga oshirgan enaga Gulchehra Boboqulova haqiqatdan ham kasalxonada “oʻtkir shizofreniya” kasalidan davolangan va psixiatr roʻyxatda turganini tasdiqlagandi.