“Instagram”dan milliard dollar talab qilishdi

Federatsiya Kengashi qoshidagi Blogerlar kengashi Meta’ga shikoyat xati loyihasini ishlab chiqdi va yubordi. Bu haqda blogerlar kengashi asoschisi Valeriya Ritvina Jamoatchilik palatasida bo‘lib o‘tgan davra suhbatida ma’lum qildi.
Rossiyalik blogerlar xabarda Instagram ijtimoiy tarmog‘ining bloklanishi  natijasida jabrlangan foydalanuvchilar asosiy daromad manbasini yo‘qotgani tufayli bir milliard dollar miqdorida tovon puli talab qilmoqda.
Bundan tashqari, blogerlar “Meta” ma’muriyati Rossiya fuqarolaridan kechirim so‘rashini ochiqchasiga talab qilmoqda. Murojaatda qayd etilishicha, to‘langan kompensatsiya Meta Platforms Inc’ning noqonuniy xatti-harakatlari natijasida zarar ko‘rgan jismoniy va yuridik shaxslarni qo‘llab-quvvatlashga yo‘naltiriladi.
Agar tovon to‘lanmasa, bloggerlar sudga murojaat qilish niyatida.
Meta rasmiylari hali ushbu talablarga javob bermadi.