Samarqandda uyi va doʻkoni buzilgan fuqaroga 1,5 milliard soʻmdan koʻproq kompensatsiya undirib berildi

Fuqarolik ishlari boʻyicha Samarqand shahar sudining 2021-yil 26-yanvardagi qaroriga asosan qarzdor N.O.ning foydasiga buzilishga tushgan uy-joy va shu manzilda joylashgan savdo doʻkonining qurilishiga ketgan sarf-xarajatlar uchun 1 milliard 514 million 919 ming soʻm kompensatsiya undirish belgilangan.
Byuroning Samarqand shahar boʻlimi ish yurituviga kelib tushgan ijro hujjatiga koʻra qarzdor Samarqand shahar hokimligi boʻlgan.
Ijro ishi yurituvi davomida qonunning 71-moddasiga asosan davlat ijrochisi tomonidan Samarqand shahar hokimligiga 1 milliard 514 million 919 ming soʻm kompensatsiya pullarini toʻlab berish majburiyati yuklatilgan.
Shuningdek, “Sud hujjatlari va boshqa organlar hujjatlarini ijro etish toʻgʻrisida”gi Qonunning 23-moddasiga koʻra qarzdorlarga ijro hujjatining ijrosini ixtiyoriy ravishda taʼminlash uchun muddat berilgan.
Bu haqda ijro hujjati ijrosini taʼminlash boʻyicha Samarqand shahar hokimligiga eslatma xati yuborilgan. Ijro tadbirlari davomida 1 milliard 514 million 919 ming soʻm kompensatsiya pullari toʻliq undirilib, undiruvchi N.O. ga toʻlab berildi.