Yevropada davom etayotgan tabiat injiqliklari

 Uzoq davom etgan yomgʻirlar Fransiyaning bir qator mintaqalarida toshqinlarga olib keldi. Sena qirgʻoqlaridan toshganligi uchun Parijni suv bosdi. Daryoda suv sathi 4,20 m ga koʻtarilgan va koʻtarilishda davom etmoqda. Mamlakat shimolida 70 yoshli erkak suv toshqini qurboniga aylandi.

 Soʻnggi ikki oy ichida Fransiyaning janubi-gʻarbiy qismidagi bir qator shaharlarda toʻrt marta suv toshqini kuzatildi. Sinoptiklarning taxmin qilishicha, yomgʻir yaqin orada toʻxtamaydi. Mahalliy aholi:

 – Bunday yashash qiyin, uyimizni uchincha marta suv bosishi. Hozir nima qilishni ham bilmaymiz.

– Uyga suv kirmasligi uchun bu yerga bir nechta gʻisht qoʻydim, lekin u oʻtgan galgidek toshib ketishi mumkin.

 Germaniyada  iliq ob-havo kuzatilyapti.

 Buyuk Britaniyaning Yorkshire Dales milliy bogʻida esa qalin qor tufayli transport harakati toʻxtab qoldi. Bu esa ommaviy emlashning kechikishiga sabab boʻldi.