Somalida choʻl chigirtkalarining hujumi sabab favqulodda holat eʼlon qilindi

Somalida choʻl chigirtkalarining hujumi tufayli favqulodda holat eʼlon qilindi. Bu haqda mahalliy Garowe nashri xabar tarqatgan.

 Favqulodda holat Somali qishloq xoʻjaligi vazirligi tomonidan eʼlon qilingan, mamlakatning janubiy hududlarida bu boradagi vaziyat ancha ogʻirlashgani qayd etilgan.

 BMTning Ishlab chiqarish va qishloq xoʻjaligi tashkiloti – FAO shamol hamda yomgʻir choʻl chigirtkalarining koʻpayishi uchun sharoit yaratilishiga turtki berishi haqida ogohlantirgan.

 “Hasharotlar tezda koʻpayib yangi hududlarni egallab olmoqda, oqibatda qishloq xoʻjaligi mahsulotlari katta xavf ostida qolib ketadi”, – deyilgan tashkilotning bayonotida.

 Choʻl chigirtkasi ushbu oilaga mansub hasharotlar ichida eng katta xavf keltiruvchi zararkunanda hisoblanadi. Hasharotlar toʻdasi bir sutka ichida 150 kilometr masofani bosib oʻtadi va yoʻlida uchragan hamma narsani yeb bitiradi.

 Bir yil avval yanvar—fevral oylarida Afrikada chigirtkalarning oxirgi 25 yil ichidagi eng katta hujumi kuzatilgandi. Oʻshanda hujumlarga qarshi turish va zararkunandalarni yoʻq qilish uchun havoga petsisidlar, yaʼni zaharli kimyoviy moddalar sepilgandi.

 2020-yil dekabr oyida Yaponiyaning Oʻrta Osiyo mamlakatlari va Afgʻonistonga chigirtkadan himoyalanish maqsadida 7,5 million dollar ajratishi xabar qilingandi, deb yozadi daryo.uz.

 Foto: EPA