KUTILMАGАN FOYDА KELTIRGАN METEORIT

Фото http://meteoritecar.com

Boylik peshonaga yozilgan bo‘lsa osmondan uchib kelib ham boy qilar ekan. Аmerikalik 17 yoshli Peekskilldan Mishel Knappning kutilmaganda yaxshigina, tekingina pul ishlab olish yetti uxlab tushiga kirmagandir? 

1992 yil 9 oktyabrning odatdagi juma kuni boshqa minglab amerikaliklar singari u ham kechqurun televizor oldida o‘tirar edi. Kechki soat 20 lar atrofida dahshatli halokat yuz berdi. Kuchli guldiragan ovozlar qizni qo‘rqitib yubordi, uning nazarida uchtalar mashina ko‘chada bir-biriga urilib dahshatli avariyaga uchraganday tuyuldi. Nima gapligini bilmoqchi bo‘lib uydan yugurib chiqib ketdi, ammo keyinchalik u yerda topilgan narsa eng noyob meteorologik hodisalardan biri deb nomlanadi.

Avtomobilga tushgan meteorit parchasiga o'xshaydi. Manba:https://en.wikipedia.org

Qiz chiqib qarasa uyi yonida qoldirib ketgan qizil rangli Chevrolet Malibu avtomobilining yukxonasini tosh yorib o‘tib, orqa chiroqni sindirib tashlabdi. Dastlab, bu holatni Mishel, bezori qo‘shnilarining ishi, deb o‘ylardi va politsiyani chaqirdi. U hatto magistral ostidagi kraterdan ham, toshning nihoyatda qizib ketganidan va oltingugurt hidi kelganidan ham boshqa xayolga bormadi. U yaqindagina buvisidan mashina sotib olgan bo‘lib endigina mina boshlagan avtoulovning abjag‘i chiqqanidan nihoyatda xafa bo‘lgan. Mishel shu kuni kechqurun o‘nlab kameralar meteoritning qulab tushishini qayd etganini, uning bir qismi og‘irligi 12 kg bo‘lganini va aynan shu noyob tosh mashinasini pachoqlaganini hali bilmagan.

Ko'rgazmalardan birida mashina. Manba:http://meteoritecar.com

Ushbu voqea omma orasiga yoyila boshlagach, Mishel nomi anchayin mashhur bo‘lib ketdi va hatto qizdan meteorit kollektorining rafiqasi Iris Lang Chevrolet Malibuning o‘z narxidan 60 baravar ko‘prog‘iga sotib olgan. Qo‘liga bunday mo‘may pul kirgach, Mishelning mashinasiga achinishidan asar ham qolmadi! Аxir pachoq mashina ortidan u qo‘lga kiritgan boylikka yuzlab mashina sotib olishi mumkin edi. Bundan tashqari, meteoritning o‘zi uchun darhol xaridorlar paydo bo‘ldi: va u 50 ming dollarga sotildi.
Agar kimdir afsonaviy toshning bir qismini sotib olmoqchi bo‘lsa, unda bu zavq unga har bir gramm uchun "atigi" 150 dollarga tushadi.