Surxondaryoda giyohvand modda sotayotgan shaxs qoʻlga olindi

Oʻzbekiston Respublikasi IIV huzuridagi Tergov departamentining xabar berishicha,  2021-yil 8-fevral kuni IIB xodimlariga kelib tushgan xabarga koʻra, Boysun tumani “Oʻrmonchi” mahallasida yashovchi 45 yoshli Qosimjon Q., tanishi 68 yoshli Qobil B.,ga 4 dona oq rangli polietilen paketlarga qadoqlangan toʻq malla rangli oʻziga xos hidli moddaning grammini 400.000 soʻmdan jami 1.600.000 soʻmga sotganligi aniqlanib, oʻz navbatida tezkor tadbir oʻtkazilib, shu kuni soat 18:30 da Qobil B., va Qosimjon Q., lar Denov tumani “Namozgoh” mahallasi hududida 2 dona oq rangli sellofan parchasiga qadoqlangan toʻq malla rangli moddani shartli ravishda xaridor sifatida jalb qilingan fuqaroga 8.000.000 soʻm evaziga sotayotgan vaqtida ushlanib, mazkur moddalar xolislar ishtirokida ashyoviy dalil sifatida rasmiylashtirilib olingan.

Sud kimyoviy ekspertiza xulosasida Qobil B., va Qosimjon Q.,lardan hujjatlashtirilib olingan jami 6 dona polietilen paketlarga qadoqlangan moddalar 27 grammga teng “OPIY” giyohvandlik moddasi ekanligi koʻrsatilgan, deb xabar berdai human.uz.