Navoiyda yoshlar marafoni

Navoiy viloyat yoshlar ishlari agentligi tomonidan Yoshlar markazida “Yangi Oʻzbekiston yoshlari-uchinchi renesans poydevori” mavzusida yoshlar marafoni oʻtkazildi.
 Unda viloyatning besh yuzga yaqin faol yoshlari, jumladan “Oʻzbekiston uchun 100 gʻoya” tanlovi hamda “Isʻhoqxon Ibrat-xorijiy tillar” oromgohi ishtirokchilari,   “Kelajak liderlari” klubi va “Yoshlar parlamenti” aʻzolari, xalqaro imtihon xarajatlari qoplab berilgan va  “Yoshlar daftari”ga kiritilgan yoshlar, yosh jurnalist va blogerlar ishtirok etdilar. 
Marafonda mamlakat va xalqaro darajada yutuqlarga erishgan, bugungi kunda mamlakatimiz rivoji uchun izlanishda boʻlgan yosh siyosatchilar,tadbirkorlar va boshqa sohalar vakillaridan iborat sakkiz nafar spikerlar tengdoshlari bilan ochiq muloqot davomida  oʻzlari erishgan yutuqlarning omillari borasida fikr almashdilar. Marafonda NDPI talabalari ham oʻz fikrlari va takliflari bilan faol qatnashishdi.