Yangi tikuvchilik fabrikasi ish boshladi

Navbahor tumani “Qorajon” mahallasi hudududida “NAVBAHOR TEKSTIL” korxonasi tasarrufidagi tikuvchilik fabrikasining ochilish marosimi boʻlib oʻtdi. Unda tuman hokimi L.Oblaqulov va viloyat hokimi oʻrinbosari K.Hasanov, tuman sektor rahbarlari hamda keng jamoatchilik vakillari ishtirok etishdi. Yangi tashkil etilgan “NAVBAHOR TEKSTIL” fabrikasining umumiy qiymati 10 mlrd soʻm boʻlib, korxonada 400 ta yangi ish oʻrinlari yaratildi. Ushbu ish oʻrinlariga tumandagi ishsiz fuqarolar, “Ayollar” va “Yoshlar” daftariga kiritilgan xotin-qizlarning ishga joylashtirilishi koʻzda tutilgan.
Shuningdek ushbu loyiha tayyor trikotaj mahsulotlari ishlab chiqarishga ixtisoslashgan boʻlib, korxonada ishlab chiqarilgan mahsulotlar eksportga yoʻnaltiriladi.