Yoʻqlov chinakam bayramga aylandi

Bugungi kunda Navoiy viloyatida Ikkinchi jahon urushi qatnashchilari soni 15 nafarni tashkil etadi. Umumxalq bayrami – “Xotira va qadrlash kuni” hamda Ikkinchi jahon urushida qozonilgan buyuk gʻalabaning 76 yilligi munosabati bilan Navbahor  tumanidagi Qalqonota mahallasi Oqtosh koʻchasi, 10-uyda umrguzaronlik qilayotgan urush faxriysi Haydar bobo Hasanov hamda Nurota tumani Istiqlol mahallasi 118-uyda istiqomat qiluvchi Murod bobo Mavlonov  xonadoniga viloyat Jamoat Fondi, Qizil yarim oy jamiyati viloyat   boʻlimi, bir qator NNT vakillari tomonidan yoʻqlov uyushtirilib, hurmat-ehtirom koʻrsatildi. 

Xalq deputatlari viloyat kengashi huzuridagi jamoat fondi direktori Hamid Jumayev yoʻqlaganlar barchasi  urush faxriylari Haydar bobo va Murod bobo bilan dildan suhbatlashdi. Ularning vatanimiz tinchligi, yurtimiz obodligi uchun jang maydonlarida koʻrsatgan jasoratini eʼtirof etishdi. Urush faxriylariga sovgʻa-salomlar, oziq-ovqat, dori-darmon mahsulotlari topshirildi.

Tashrif chogʻida rus miliy markazi ijodiy vakillari gʻalaba bayrami qoʻshiqlaridan ijro etishdi. Ushbu yoʻqlov chinakam bayramga aylanib ketdi.
Haydar bobo va Murod bobo  Yurtboshimiz tomonidan koʻrsatilayotgan katta gʻamxoʻrlik va eʼtibor, yaratilgan shart-sharoitlar uchun chuqur minnatdorchilik bildirib, Yaratgandan yurtimiz tinchligi, xalqimiz farovonligini tilab duoga qoʻl ochdi.