Profilaktik yoʻnalishga tizimli yondashuv

Oʻzbekiston Respublikasi Prezidentining 2011-yil 28 – noyabrdagi “Sogʻliqni saqlash tizimini isloh qilishni yanada chuqurlashtirish chora-tadbirlari toʻgʻrisida” PQ-1652-sonli qarori ijrosini ta’minlash hamda Oʻzbekiston Respublikasi Prezidenti tomonidan Sogʻliqni saqlash vazirligi faoliyatini tizimli ravishda yaxshilashning asosiy yoʻnalishlaridan biri etib belgilangan birlamchi tibbiy - sanitariya   yordami koʻrsatuvchi muassasalar faoliyatidagi profilaktik yoʻnalishni kuchaytirish hamda tizimli ravishda tibbiy madaniyat, sanitariya va gigiyena hamda sogʻlom turmush tarzi boʻyicha koʻnikmalarni aholining keng qatlamlari orasida tadbiq etish maqsadida 2012-yil 11-sentabrda №263 – sonli Oʻzbekiston Respublikasi Sogʻliqni saqlash vazirligining buyrugʻi chiqdi, tasdiqlandi. 
Ushbu buyruqqa asosan,  birlamchi tibbiy -  sanitariya yordami koʻrsatuvchi muassasalar faoliyatidagi profilaktik yoʻnalishni kuchaytirish hamda tizimli ravishda tibbiy madaniyat, sanitariya va gigiyena hamda sogʻlom turmush tarzi boʻyicha koʻnikmalarni aholining keng qatlamlari orasida tadbiq etish boʻyicha  vazifalari belgilandi.
Shuni ta’kidlash lozimki, tibbiyot sohasida bosqichma - bosqich olib borilayotgan islohotlar “Sogʻlom turmush -  kelajak poydevori“  maqsadli masalalarini hal qilish jismonan baquvvat, ruhan tetik,   intelektual salohiyati yuqori barkamol avlodni tarbiyalashda ijobiy natijalar bermoqda.  
Inson sogʻligʻi uning oʻziga bogʻliq ekanligi yildan – yilga koʻproq ayon boʻlmoqda. Salomatlik har bir inson uchun bebaho boylik sifatida jamiyatning ijtimoiy – iqtisodiy rivojlanishining muhim shartlaridan biri. 
SALOMATLIK  oʻzi nima? Jahon Sogʻliqni saqlash   tashkilotining ta’rifiga koʻra, salomatlik - bu  nafaqat kasallik yoki jismoniy nuqsonlarning yoʻqligi, balki toʻliq jismoniy, ruxiy, ijtimoiy xotirjamlik xolatidir. 
Inson sogʻligʻi nimalarga bogʻliq?  Jahon Sogʻliqni saqlash  tashkiloti ekspertlarining asosli xulosalariga koʻra tibbiy xizmat sogʻligʻimizning atigi 8-10 % ini ta’minlar ekan. Sogʻligʻimizning 18% i irsiy omillarga, 17 % atrof muhitga va 50% dan koʻprogʻi turmush tarzimizga, ya’ni   bevosita oʻzimizga bogʻliq ekan.
Sogʻlom turmush tarzi deganda nima tushinamiz?
SOGʻLOM   TURMUSH  TARZI-Inson hayot tarzi boʻlib, bunda kishi oʻzining va atrofidagilarning sogʻligini saqlash, mustahkamlash va kasalliklarni oldini olish bilan bogʻliq tadbirlar majmuasi tushuniladi. 
SOGʻLOM   TURMUSH  TARZI - inson salomatligini yaxshilash,  va muhofaza qilishga qaratilgan faol harakatdir. Sogʻlom turmush tarzi  keng ma’noli tushuncha boʻlib, unga toʻgʻri ovqatlanish, jismoniy faollik, unumli mehnat qilish va dam olish, shaxsiy gigiyena qoidalariga rioya qilish, zararli odatlardan oʻzini tiyish va xokazolar kiradi.  
 
M. Hamroyeva