Navoiyda “Damas” qarama-qarshi yo’lakka chiqib ketib yo’l-transport hodisasiga sabab bo’ldi

Navoiy viloyati Konimex tumanida “Damas” avtomashinasi “DAF” rusumli yuk mashinasi bilan toʻqnashib ketdi. Bu haqda IIV matbuot xizmati xabar berdi.
7-dekabr kuni A-379 trassasida “Zarafshon-Navoiy” yoʻnalishida harakatlanayotgan “Damas” rusumli avtomashina haydovchisi qarama-qarshi yoʻlakka chiqib ketib, “DAF” rusumli yuk mashinasi bilan toʻqnashib ketgan va yoʻl-transport hodisasini sodir etgan.
Oqibatda “Damas” haydovchisi va bir yoʻlovchisi voqea joyida halok boʻlgan.
Hozirda mazkur holat yuzasidan surishtiruv harakatlari olib borilmoqda.