Haydovchi IIB YHXB xodimiga pora taklif qildi

Joriy yil 3 mart kuni, Namangan viloyat IIB YHXB 4-otryad komandiri bildirgi orqali murojaat qilib, Uchqoʻrgʻon tumani hududida xizmat olib borayotgan vaqtida, “Damas” rusumli avtomashina haydovchisi, Uchqoʻrgʻon tumanida yashovchi fuqaroga nisbatan maʼmuriy tartibda tegishli hujjatlar rasmiylashtirilib, avtomashinani jarima maydoniga tortgan vaqtida haydovchi toʻplangan hujjatlarni sudga taqdim etmaslik va qonuniy chora koʻrmaslik evaziga, 1.500.000 soʻm pullarni berishini aytib, pora taklif qilayotganligini ma'lum qilgan.
Holat boʻyicha shu kuni soat 20:40 larda, IIV OʻXB Namangan viloyati boʻyicha boʻlimi xodimlari hamda tuman IIB xodimlari tomonidan hamkorlikda oʻtkazilgan tezkor tadbir davomida, Uchqoʻrgʻon tumanida joylashgan jarima maydonchasi oldida 4-otryad komandiriga fuqaro 1.500.000 soʻm pullarni pora tariqasida berayotgan vaqtida ashyoviy dalil bilan ushlangan.
Ushbu holat boʻyicha Uchqoʻrgʻon tuman prokuraturasi tomonidan Jinoyat kodeksining 211-moddasi 1-qismi bilan jinoyat ishi qoʻzgʻatilgan, deb xabar eradi Namangan viloyati IIB Axborot xizmati.