Haydovchi qoʻlga olindi

Qashqadaryo viloyati Qarshi shahrida 6-oktyabr kuni tungi 04:30 atrofida shahar hududidan oʻtgan Qarshi–Beshkent avtomobil yoʻlida “Nexia”  haydovchisi piyodani urib, voqea joyidan yashiringan. Bu haqda viloyat Ichki ishlar boshqarmasi axborot xizmati xabar berdi.
 Qarshida “Nexia” haydovchisi piyodani urib, voqea joyidan yashirindi.
Mazkur yoʻl-transport hodisasi oqibatida jabrlanuvchi voqea joyida halok boʻlgan. Hozirda haydovchi qoʻlga olinib, shahar ichki ishlar organi faoliyatini muvofiqlashtirish tergov boʻlimi tomonidan holat yuzasidan surishtiruv harakatlari olib borilmoqda.