Gazdan noqonuniy foydalanish holati aniqlandi

Bosh prokuratura huzuridagi Departamentning Zarafshon shahar boʻlimi tomonidan oʻtkazilgan tergovga qadar tekshiruvda, “Z.G.” MCHJ tomonidan jamiyatga qarashli gʻisht ishlab chiqarish sexi tabiiy gaz tarmogʻidan uzilgan boʻlsada, oʻzboshimchalik bilan payvandlash yoʻli bilan tarmoqqa qayta ulanganligi natijasida davlat va jamiyat manfaatlariga 384 mln soʻm zarar yetkazilganligi aniqlangan.
Mazkur holat yuzasidan Jinoyat kodeksining 185-2-moddasi (Elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qoʻzgʻatilib, tergov harakatlari oʻtkazilmoqda.