Navoiy shahar hokimiga yangi oʻrinbosar tayinlandi

Rahmatov Ilhomjon Hikmatovich 2022-yil 14-fevraldan Navoiy shahar hokimining Yoshlar siyosati, ijtimoiy rivojlantirish va ma’naviy-ma’rifiy ishlar boʻyicha oʻrinbosari lavozimiga tayinlandi.
Tayinlovga qadar Navoiy viloyati hokimligi yoshlar siyosati, ijtimoiy rivojlantirish va ma’naviy-ma’rifiy ishlar boʻyicha kotibiyati mudiri lavozimida faoliyat olib borgan.
I.Rahmatov – 1989-yilda Buxoro viloyati Vobkent tumanida tugʻilgan.
2011-yil Navoiy davlat konchilik institutini kimyoviy texnologiya (ishlab chiqarish turlari boʻyicha), 2014-yil Navoiy davlat konchilik institutini noorganik moddalar kimyoviy texnologiyasi yoʻnalishida magistratura bosqichini, 2020-yil Oʻzbekiston Respublikasi Prezidenti huzuridagi Davlat boshqaruvi akademiyasini davlat boshqaruvi yoʻnalishida tamomlagan.