Navoiyda zamonaviy maʼnaviyat va maʼrifat maskani barpo etiladi

20 январь 2021

478

O‘zbekiston Respublikasi Prezidenti Shavkat Mirziyoyev raisligida 19-yanvar kuni ma’naviy-ma’rifiy ishlar tizimini tubdan takomillashtirish, bu borada davlat va jamoat tashkilotlarining hamkorligini kuchaytirish masalalari bo‘yicha videoselektor yig‘ilishi o‘tkazildi.

So‘nggi yillarda bu borada qator qarorlar qabul qilindi. Respublika ma’naviyat va ma’rifat kengashi raisi Prezident ekani belgilab qo‘yildi. Kengashning hududiy bo‘limlariga mas’ullik hokimlar zimmasiga yuklatildi.

Hududlar markazida namunaviy loyiha asosida ma’naviyat va ma’rifat maskanlarini barpo etish, mahalliy byudjetlar hisobidan sohaga qo‘shimcha shtatlar ajratish bo‘yicha ko‘rsatma berildi.

Bu borada Navoiy viloyatida ham dastlabki amaliy ishlar boshlab yuborildi. “Shirin” madaniyat saroyi zamonaviy ta’mirlanishi bo‘yicha ishchi guruh tuzilib, viloyat hokimi Q.Tursunov boshchiligida binoni qayta rekonstruksiya ishlari amalga oshiriladi.

Ushbu bino viloyatda milliy g‘oya targ‘iboti, ma’naviy-ma’rifiy ishlar samaradorligini oshirish, jamiyatda adabiyot va kitobxonlikni yanada rivojlantirishga xizmat qiladi deb xabar beradi NAVOI.UZ | Навоий вилояти ҳокимлиги ахборот хизмати.