Navoiy shahridagi Prezident maktabida “Rahbar va yoshlar” uchrashuvi

Rahbar xodimlar va yoshlar ishtirokidagi uchrashuvlar muhim masalalarning yechimini topish, yoshlarni har tomonlama qo`llab-quvvatlash, ularning maqsadlarini ro`yobga chiqarishda muhim ahamiyat kasb etmoqda.
Navoiy shahridagi Prezident maktabida viloyat hokimining yoshlar siyosati, ijtimoiy rivojlantirish va ma’naviy-ma’rifiy ishlar bo`yicha o`rinbosari Y.Dushanov ishtirokida tashkil etilgan uchrashuv ham ayni maqsadga qaratildi. Suhbat davomida Prezident maktabi o`quvchilarining aniq maqsadlari sari tashlagan dadil harakatlariga olqishlandi. Shuningdek, hozirda va kelajakdagi rejalarini eshitilib, ularni qiziqtirgan savollarga javob berildi hamda bildirilgan takliflar qo`llab-quvvatlandi.
Uchrashuv yakunida Prezident ta’lim muassasalari agentligi tomonidan o`tkazilgan “Fan olimpiadasi”ning maktab bosqichida faol ishtirok etgan o`quvchilar taqdirlandilar.