Deputat bilan uchrashuv

Navoiy shahridagi Do‘stlik va NNTlar uyida Oliy Majlis Qonunchilik palatasi deputati Inna Korjikova bilan uchrashuv o‘tkazildi. Uchrashuvda asosan nodavlat tashkilot vakillari ishtirok etib, o‘z muammo va takliflarini bildirishdi.

Deputat Inna Korjikova saylovchilari bilan avval quyi palatadagi yangiliklar bilan o‘rtoqlashdi:

-  Ayni kunlarda Qonunchilik palatasida davlat tili to‘g‘risida qizg‘in muhokama ketmoqda. Shuningdek, xotin-qizlar, yoshlar masalalari, ularning bandligini ta’minlash borasida qo‘mitalar faol ish olib boryapti.

Navoiy viloyati rus milliy markazi raisi o‘rinbosari Vera Razjivina xususan poliklinika qurilishlaridagi kamchiliklar to‘g‘risida taklif bildirdi:

-  Poliklinikalarda garderob yo‘q, vrach qabuligi kirsak, issiq kiyimlarni qo‘ltiqlab yuramiz. Yangi poliklinika qurilishlarida albatta garderob tashkil etilishini taklif qilaman.

Uchrashuv so‘ngida Inna Korjikova NNTlar va milliy markazlar xonalari hamda faoliyati bilan birma-bir tanishib chiqdi.