Kitob o‘qigan bola

Odamlarning naqshidir, 
Kitob o‘qigan bola. 
Yuzi kulib turadir, 
Kitob o‘qigan bola. 
 
Kattalarni hurmatlab, 
Salom berib o‘tadi. 
So‘zlari xam ma'noli, 
Diling yayrab ketadi. 
 
Har bir ishda ko‘makdosh, 
Bo‘ladi tengdoshiga. 
U bilmagan bilim yo‘q, 
Zukkodir har ishiga. 
 
Kichiklarga o‘rgatar, 
Kitob o‘qish sirlarin. 
Yuragiga o‘t yoqar, 
Mehr qo‘yar kun sayin. 
 
Ilmda xam, sportda, 
Birinchidir doimo. 
Ishidan topolmaysiz, 
Biror qusur, muammo! 
 
Kitob bilan do‘st bo‘lgan, 
Bolalarga ming rahmat. 
Har dam ishing besh bo‘lsin, 
Kitobsevar Azamat! 
 
                                                                                              Karmana tuman 8-DMTT tarbiyachisi 
                                                                                              Nilufar Xasanova