IFC DELEGASIYASINING VILOYATIMIZGA TASHRIFI HAQIDA

Xalqaro Moliya korporasiyasi (IFC) katta vise-prezidenti Stefani fon Frideburg boshchiligidagi delegasiyaning Navoiy viloyatiga tashrifi jarayonlari aks etgan fotosuratlar e’tiboringizga havola etilmoqda. 
Ma’lumot o‘rnida qayd etish joizki, O‘zbekiston Respublikasida ilk bor tashkil etilgan umumiy qiymati 110 million AQSH dollariga teng 100 megavattlik quyosh elektrostansiyasi hamda "Navoiyazot" AJ negizida amalga oshirilayotgan loyihalar aynan Xalqaro Moliya korporatsiyasi tomonidan moliyalashtirilgan.

Tashrif doirasida Navoiy viloyatida IFC mablag‘lari hisobiga amalga oshirilayotgan loyihalar ko‘zdan kechirildi hamda kelgusi hamkorlik masalalari bo‘yicha Stefani fon Frideburg xonim va viloyat rahbari Normat Tursunov muzokaralar o‘tkazdi.
Navoiy viloyati hokimligi
axborot xizmati.