Viloyati rahbari nodavlat umumtaʼlim muassasasiga tashrif buyurdi

  Navoiy viloyati hokimi vazifasini bajaruvchi Normat Tursunov Navoiy shahrida joylashgan Beruniy nomidagi nodavlat umumtaʼlim muassasasiga tashrif buyurib, bu yerda oʻquvchilar va pedagoglar uchun yaratilgan sharoitlar, zamonaviy oʻqitish texnologiyalari bilan yaqindan tanishdi.
Maktab direktori G.Jumaniyozova viloyat rahbariga pedagogik jamoaning bilim salohiyati, taʼlim sifati va mazmuni haqida soʻzlab berdi.
Tashrif doirasida N. Tursunov bugungi kunda mamlakatimizda nodavlat taʼlim muassasalarini tashkil etish va ularda taʼlimning ilgʻor texnologiyalaridan unumli foydalanish uchun keng imkoniyatlar yaratilgani, viloyatimizda ham bu boradagi ishlar namunali boʻlishi lozimligini qayd etdi.
Shuningdek, viloyat rahbari insonning kamolotida birinchi va asosiy oʻrinni maktab taʼlimi va tarbiyasi egallashini taʼkidlab, taʼlim muassasasiga har tomonlama yordam berishga tayyor ekanligini bildirdi.