9 mlrd dollarlik investitsion loyihalar amalga oshiriladi

Tadbirkorlar va ishbilarmonlar harakati – Oʻzbekiston Liberal-demokratik partiyasidan Oʻzbekiston Respublikasi Prezidentligiga nomzod Shavkat Mirziyoevning navoiylik saylovchilar bilan uchrashuvi davom etmoqda.
Shavkat Mirziyoev saylovchilarni viloyatda kelgusi besh yilda amalga oshirilishi rejalashtirilgan investisiya loyihalari bilan tanishtirdi.
Taʻkidlanganidek, besh yilda viloyatda 9 milliard dollarlik 2,2 mingta investisiya loyihasi amalga oshirilib, 75 mingta yangi ish oʻrni yaratiladi.
Jumladan, Navoiy kon-metallurgiya kombinatidagi 1,7 milliard dollarlik 5- va 6-gidro metallurgiya zavodini qurish, “Pistali” konini oʻzlashtirish va “Muruntov” konini kengaytirish, qiymati 3,4 milliard dollar boʻlgan 28 ta yangi loyihani qamrab olgan zamonaviy gaz-kimyo texnologik klasterini tashkil etish, umumiy quvvati 2,8 ming mega-vatt boʻlgan qariyb 3 milliard dollarlik 7 ta elektr stansiyasini ishga tushirish kabi yirik loyihalar amalga oshiriladi.