Navoiyda IIB xodimining avtomashinasini olib qochmoqchi boʻlgan muqaddam sudlangan shaxs qoʻlga olindi

Hayotda oʻz qilmishidan toʻgʻri xulosa chiqarmasdan, egrilik bilan kun kechirayotganlar topiladi.  2021-yilning 16-yanvar kuni soat 12:30lar atrofida   1981-yilda Navoiy shahrida tugʻilgan M.Tarobiy koʻchasida yashovchi Uzoq Komilov (ism, familiyasi oʻzgartirilgan) Navbahor tumani IIB Migratsiya va fuqarolikni rasmiylashtirish guruhi inspektoriga tegishli boʻlgan “Lacetti” rusumli avtomashinasini olib qochmoqchi boʻladi.
 Uzoq Komilov hech qayerda ishlamaydi, oldin Oʻzbekiston Respublikasi Jinoyat kodeksining 169-moddasi 3-qismi bilan 5 yil muddatga ozodlikdan mahrum qilinganiga qaramay, yana jinoyaga qoʻl uradi. U 2020-yil 29-noyabrda JIEKdan ozodlikka chiqarilgan edi. 
 Navoiy shahar I.Karimov koʻchasida toʻxtab turgan avtomashinaning eshigini kalit tanlash yoʻli bilan ochayotgan vaqtida, ushbu holatni koʻrib qolib qarshilik qilgan inspektorning yuz qismiga bir necha marotaba urib, hodisa joyidan qochib ketmoqchi boʻlganida avtomashina egasi tomonidan ushlab qolingan.
   Mazkur holat yuzasidan Uzoq Komilovga nisbatan Oʻzbekiston Respublikasi Jinoyat Kodeksining 169-moddasi 4-qismi bilan jinoyat ishi qoʻzgʻatilgan. Hozirda surishtiruv ishlari olib borilmoqda.
                 Navoiy viloyati IIB Axborot xizmati