Qoʻlga kiritgan pullarni oʻz manfaati yoʻlida sarflab yuborgan

Karmana tumani Talqoq MFYda yashovchi, uy qurilishi  bilan shugʻullanuvchi MCHJ savdo boʻlimi boshligʻi  R.J oʻzganing mol-mulkini firibgarlik yoʻli bilan qoʻlga kiritadi. Fuqaro A.V ga 7 yil muddatga pullarni boʻlib toʻlash sharti bilan berilgan 240 million soʻmlik kvartiraning hujjatlarini tayyorlab berib, A.V kvartira uchun pullarni toʻliq toʻlamagan boʻlsada, notarial tartibda fuqaro A.Vning nomiga rasmiylashtirilishiga erishib, jamiyatga 240 million soʻmlik moddiy zarar yetkazib, qoʻlga kiritgan pullarni oʻz manfaati yoʻlida sarflab yuborganligi aniqlangan.
 Mazkur holat yuzasidan R.Jga nisbatan Oʻzbekiston Respublikasi Jinoyat kodeksining 168-moddasi 4-qismi bilan jinoyat ishi qoʻzgʻatilgan.
                 
Navoiy viloyati IIB Axborot xizmati