“Barkamol avlod” markazi – mo’jizalar maskani
Navoiy shahridagi “Barkamol avlod” bolalar markaziga kirgan kishi mo’jizalar olamiga kirib qolgandek bo‘ladi go‘yo. Aslida ham shunday. Xodimlarning mahorati tufayli dargoh mo’jizalar maskaniga aylangan.Ammo, xodimlarning shu qadar jonkuyarligiga ularning mehnatga haq to‘lanishi, ish sharoitlari munosibmi?
Tashrifimiz chog‘ida maktabda shaxmat-shashka to‘garagi rahbari Mamadiyor Mamanazarov mashg‘ulot o‘tayotgan edi. To‘garak rahbarini suhbatga tortib, qancha haq olayotganini so‘radik. M.Mamanazarov istihola bilan yarim stavka, deb qo‘ya qoldi.- To‘garagimizda 20 nafar o‘quvchi bor.Ushbu dargohda faoliyat yuritayotganimga uch yil bo‘ldi. Mehnatim asta sekin o‘z mahsulini ko‘rsatmoqda. Shu yil Alisher Navoiy tavalludining 580-yilligi munosabati o‘tkazilgan tanlovning viloyat birinchiligida bitta o‘quvchim 1-o‘rinni, 2 nafar o‘quvchi 3-o‘rinni egalladi.
Mashg‘ulot xonalarini ko‘rar ekanmiz, xonalar tor va yorug‘ligi kam bo‘lgan yoritgichlar bilan ta’minlangan. Badiiy gimnastika to‘garagi rahbari Ulug'oy Bobobekova sohaga oid muammolari haqida kuyinib gapirdi:
- Badiiy gimnastika to‘garagida 15 nafar o‘quvchimiz bor. Ikki oydan beri ishlayapman. Ko‘rib turganingizdek mashg‘ulot uchun anjomlarimiz yetarli emas. Xonamiz tor, shug‘ullanishda qiyinchiliklarga duch kelyapmiz. O‘quvchilarimni tanlovlarda g‘olib bo‘lishni istayman. Buning uchun yetarlicha sharoit, anjomlar bo‘lishi kerak.
Maktab direktori Dilrabo Nazarova “Barkamol avlod”ning faoliyati haqida o‘z fikrlarini bildirdi:- Mazkur maktabga rahbar bo‘lib kelganimga 3 yil bo‘ldi. Kelgan vaqtimda maktabning 250 nafar to‘garak a’zolari majud edi. Hozirgi kunga kelib 720 nafarga yetdi. 33 ta to‘garagimizda 72 ta guruh faoliyat olib boryapti. Markazimizdan olisda joylashgan umumta’lim maktablarida tarmoq to‘garaklarini tashkil qildik.
Sohaga oid O‘zbekiston Respublikasi Prezidentining 2019-yil 30-sentyabrda PQ – 4467-sonli qarori chiqqan. Qarorga muvofiq O‘zbekiston Respublikasining Investitsiya dasturi doirasida nazarda tutiladigan O‘zbekiston Respublikasi Davlat byudjeti mablag‘lari hisobidan zarur xomashyo va inventarlar bilan jihozlash bo‘yicha tasdiqlangan loyiha-smeta hujjatlariga muvofiq zarur bo‘lgan kapital qo‘yilma limitlari ajratilishi nazarda tutilgan. Shu o‘rinda kishini mushohadaga chorlasak, nahotki, ta’lim uchun milliard, trillionlab ajratiladigan mablag‘dan bir uvog‘i “Barkamol avlod” uchun ajratilmaydi. To‘g‘ri, ba‘zi tumanlarda “Barkamol avlod” maktablari yangitdan qurilmoqda, ammo, barcha maktab o‘qituvchilari yetarlicha sharoit va inventarlar bilan to‘liq ta’minlanishini istaydi. Shu o‘rinda alohida ta’kidlab o‘tish joizki, “Barkamol avlod” bolalar maktablarida ko‘p yillik mehnat faoliyatiga ega yoki mohir pedagoglardan hech bir o‘qituvchi davlat mukofotini olmagan, rag‘batlantirilmagan. “Barkamol avlod” maktabi binosini ko‘zdan kechirar ekanmiz, ertak qahramonlarining qo‘g‘rchoqlari, kashtachilik, rassomchilik singari san’at ishlarini ko‘rib hayratlanasan kishi. Maktab o‘qituvchilarining qo‘l mehnati bilan bezatilgan hunarmandchilik ishlarini ko‘rib, vaholanki, bu yerda o‘z ishining ustalari, mohir pedagoglar ishlashining guvohi bo‘ldik.
Navoiy shahar “Barkamol avlod” bolalar markazining foyeysidagi hunarmandchilik ishlaridan fotolavhalar:
Ctrl
Enter
Xato topdingizmi
Bizga junating Ctrl+EnterBoshqa ma`lumotlar:
O‘qituvchi Nilufar Mavlonova va uning hobbisi
Navbahor tumanining “oltin fondi” va “qizil hudud”dan “yashil hudud”ga qanday o‘tiladi?
Navoiy viloyatida ichki ishlar organlari xodimlarini oʻqitish boʻyicha ixtisoslashtirilgan oʻquv-amaliy kurslari tashkil etildi
Hazrat Navoiyni eslab...
MOSKVA VILOYATIDAGI NOMAʼLUM AYOL BOLALAR BOG‘CHASIDAN BOLANI O‘G‘IRLAMOQCHI BO‘LDI
“Seni yomonlikka boshlagan kishi dushmaningdir”
Izohlar (0)