Unutmoq osonmas sizlarni!

Navoiy viloyati xalq taʼlimi boshqarmasining 2021-yil 1-apreldagi            69- sonli buyrugʻiga asosan, “9-may  - Xotira va qadrlash kuni”ga bagʻishlab umumiy oʻrta taʼlim maktablarning oʻquvchi va oʻqituvchilari oʻrtasida “Unutmoq osonmas sizlarni” shiori ostida sportning shaxmat-shashka va stol tennisi turlaridan Xotira turniri tashkil etildi.
Joriy yilning 13-aprel kuni Uchquduq tumanidagi 3-umumtaʼlim maktabida turnir musobaqalari boʻlib oʻtdi. Musobaqalarning ochilish tadbirida Xalq taʼlimi tizimida uzoq yillar faoliyat yuritib, bugungi kunda ular oramizda boʻlmay, xotirasini yod etayotgan ustozlarimizning oila aʼzolari ham ishtirok etdi. Ularning yodi xotirlandi va musobaqalarga start berildi.
Musobaqa gʻoliblari viloyat xalq taʼlimi boshqarmasi, Oʻzbekiston “Yoshlik” jismoniy tarbiya va sport jamiyati hamda homiylar tomonidan diplom va sovgʻalar bilan taqdirlandi.

Gʻoliblar taqdirlandi

14-aprel kuni turnir musobaqalari bilan birgalikda Zarafshon shahridagi 12-umumtaʼlim maktabida Zarafshon shahar, Uchquduq va Tomdi tuman jamoalari oʻrtasida hududiy “Quvnoq startlar” musobaqasi oʻtkazildi. Musobaqa Zarafshon shahar jamoasining gʻalabasi bilan yakunlandi.
Musobaqa ishtiirokchilari Oʻzbekiston “Yoshlik” jismoniy tarbiya va sport jamiyati hamda homiy tashkilotlar tomonidan diplom va sovgʻalar bilan taqdirlandi.