Ilk ustozimizga

 
Ustoz, so'zlaringiz ko'ngilga malham,
O'gitingiz dilda saqlaymiz har dam.
Tilaymiz hamisha bo'lingiz bardam,
Bizning ilk murabbiy o'qituvchimiz.
 
Siz sabab tanidik hisob, imloni,
Kitobdan o'rgandik butun dunyoni.
Qalblarga ko'chirgan nurni , ziyoni,
Bizning ilk mehribon o'qituvchimiz.
 
Nihoyat, ilmdan oshdik bir dovon,
Yo'limiz qiynalmay topamiz ravon.
Yo'llagan dunyoviy ilmlar tomon,
Bizning ilk jonajon o'qituvchimiz.
 
Qayerga uzatsak, yetar qo'limiz,
Tanlab oldik endi oydin yo'limiz.
Qayda bo'lsak, sizni qo'msar dilimiz,
Bizning ilk qadrdon o'qituvchimiz.
 
     Maqsuda Karimova